Qo'chqor bir kuni mayxonaga
kiribdida, ko'z yoshi qilib
mayfurushga debdi:
- Ellik gramm toza aroqdan
quychi menga!
Mayfurush shoshilmay aroqni
oldida o'lchab piyolakaga
quydi. Qo'chqor bir ko'tarishda
piyolani bo'shatdi.
- Yana ellik gramm quy!
- Nima bo'ldi qo'chqor nega
ko'p ichasan?- deb so'rabdi
undan keksa mayfurush taka.
- Ichimga chiroq yoqsa
yorishmaydi.
- Nima bo'ldi o'zi?
- Keksa shohdor qo'chqor otam
bor edi. Kechasi qo'yxonaga
bo'ri kirib, uni yeb ketdi.
Bo'ynidagi qo'ng'irog'i qoldi
xolos.
- Unday bo'lsa ichaver, darding
yengil tortadi,- deb maslahat
beribdi mayfurush.
Qo'chqor kechgacha aroq
ichibdida, kechqurun
gandiraklab ko'chaga chiqib,
bo'g'iq ovoz bilan maray
boshlabdi.
- Nega maraysan?- deb
so'rabdi undan echki.
- Mast bo'lganim uchun.
- Ko'p ichma, aroqning
yaxshiligi yo'q.
- Boshimga shunday og'ir
kulfat tushib turgandan,
qanday qilib ichmay? Kechasi
mehribon otamni bo'ri yeb
ketdi.
- Xo'sh qayoqqa ketyapsan?
- O'rmonga.
- U yerda nima qilasan?
- Bo'ri bilan olishaman. Uni
yingib terisini shilib olamanda
sotaman.
Qo'chqorning ko'zlari
g'azabdan yonib ketibdi.
- Men ham birga boray. Qara
qandax o'tkir shohlarim bor!-
debdi echki.
- Yo'q, Yo'q! O'zim tazirini
beraman u qotilning.
Mast qo'chqor qishloqdan
chiqib o'rmonga ketibdi.
Qarshisidan it chiqibdi.
- Men ham birga boray,- deb
iltimos qilibdi it.- Yozda bo'ri
ikkita ukamni g'ajib tashlagan.
Ko'pdan beri tishimni qayrab
yuribman. Sen u bilan
olishganingda, men ustiga
sapchib bo'g'zidan tishlab
olaman.
- Yo'q, Yo'q! G'azabim
shunchalikki, uni bir urishda
ag'darib tashlayman.
Qo'chqor bo'ri bilan bir o'z
olishibdi. Bo'ri uni yeb
qo'yibdi. Echki qo'chqor uchun
o'ch olmoqchi bo'lib o'rmonga
boribdi.
Bo'ri uni ham gumdon qilib
qo'ya qolibdi.
It ham sheriklari o'chini
olmoqchi bo'lib o'rmonga
bo'ribdiyu, shu ketgancha
dom- daraksiz g'oyib bo'libdi.
Bo'ri esa yonboshlab sigaret
tutatib qor bosgan,
mo'rkonidan tutuni chiqib
turgan uylarga qarab o'yga
toldi. "Qo'chqor, shohdor echki,
o'tkir tishli itlarning bir bo'lib
menga hamla qilish fikri
kelganda. U holda dunyo
ko'zimga tangaday tor bo'lib
ketardi."
Qissadan hissa siz azizlardan
do'stlar!