Муқаддас Умиджон билан
бир - бирига кўнгил қўйиб
турмуш қуришди. Янги оила,
янги вазият. Албатта ҳар бир
қиз янги хонадонга қадам
қўяр экан, авваламбор шу
хонадонда ейилиб - ёзилиб,
турмуш ўртоғи билан бахтли
хаёт кечириб, бир этак
фарзандларнинг ота - онаси
бўлиб, севиб - севилиб бирга
қўша - қариш бахтига
муяссар бўлишни ният қилса
ажабмас. Муқаддас ҳам мана
шундай ниятлар билан
хонадонга келин бўлди.
Ўзининг хушмуомилалигию -
одоби , пазандалигию -
саранжомлиги билан
уйдагилар билан тез тил
топишиб ,қайнона -
қайнотасини, шунингдек
тўртта қайнсингилни хам
кўнглига йўл топа олди.
Хаётлари биров хавас
қилгудай даражада тинч -
тотув кечарди. Муқаддас
бирин - кетин икки
фарзандли бўлди .Қизи
Мохира туғилгач Муқаддасни
иккита қайнсинглисини
фотиха қилишди. Катта
қайнсинглиси Нигора
Тошкентда яшайдиган
акасини уйида бир йилдай
яшаб уйга келди. Нигора
шундан кейин хар нарсага
асабийлашиб йўқ ердан
жанжал қиладиган одат
чиқарди. Бир куни Нигора
жанжалдан кейин ўзини
осмоқчи бўлиб оғилхонага
киради. Синглиси опасидан
хавотир олиб, келавермагач
ортидан чиқиб ховлига
қараса, Нигора хеч қаерда
йўқ. Кўнгли бир нимани
сезиб оғилхонага кирса
Нигора ўзини осмоқчи бўлиб
ипни бошидан ўтказаётганди.
Синглиси Малика жон
холатда югуриб келиб ипни
опасини қўлидан суғуриб
тортиб олади. Онаси
Нигорани бу ишидан хафа
бўлиб: " Бизни
ўйламадингми? Бу нима
қилганинг? Сенга бир гап
бўлса отанг билан мен
қандай яшайман. Фарзанд
доғини бизга раво кўрма
болажоним. Бошқа бундай
қила кўрма. Бизни
тириклайин гўрга тиқма " ,-
дея онаси зор - зор йиғлади.
Орадан бироз вақт ўтди.
Нигора яна навбатдаги
мажорони бошлаган эди. Бу
сафарги мажорасининг
сабаби синглиси Малика эди.
Муқаддас бу галги мажорага
аралашди. Нигорани ўз
хонасига бошлаб кирди. Қизи
Мохира беланчакда
ширингина уйқуда ётарди.
Улар Мохирага қараб,
ассалигини буни, еб қўйгинг
келади - я деб аста шивирлаб
айтишди.
— Нигора бугун - эрта
турмушга чиқадиган қизсиз.
Хадеб жанжал қилаверманг.
Хали турмушга чиқсангиз
кўрасиз. Синглингизни,
уйдагиларни соғинасиз.
Соғинган пайти кўролмайсиз.
Бу кунларни қадрини билинг.
— Мени камбағал бир оилага
узатишмоқчи, синглимни эса
бой оилага.
— Нигора бу жанжал қилиш
учун бир баҳона эмас.
Бундай олганда бахт
бойликда эмас, пешонага
берсин Аллох. Мен акангизга
турмушга чиққанимда у ҳам
бой эмасди. Мана мени
бойликларим, -деб
беланчакда ётган Мохирани
имлаб, бундай ўйлашингиз
нотўғри, -деб Нигорани
юпатди.
Қиш ойи. Хаво совуқ. Бу гал
Нигора акаси Умид хамда
Муқаддас билан жанжал
қилди. Бу мажорани
навбатдагиси бўлса керак
деб уйдагилар бундай
мажораларга ўрганишган
эмасми, эътибор қилишмади.
Нигора бу сафар оғилхонага
кириб ўзини осади.
Уйдагилар оғилхонага
кирганда Нигорани тани
совуб қолган, бу дунёни тарк
қилганди. Ўшанда бу оилани
қай аҳволга тушганини
тарифлаб беришга қаламим
ожизлик қилади. Эндигина ўн
тўққиз бахорни қаршилаган,
хали хаётга келиб хаёт
нималигини билмай, ўз
жонига қасд қилган қизини,
қора ерга қўйиш ота - она
учун фарзанд доғини кўриш
осон эмас . Нигора нега
мажора жанжал бошлайди-
ю, кейин ўз жонига қасд
қилишга ошиқади, бу мен
учун жумбоқ азиз ўқувчим.
Илк маротаба ўз жонига қасд
қилмоқчи бўлганида
синглиси хаётини сақлаб
қолган эди. Балки ўшанда
синглиси кириб қолмаганда
ўша куни бугунги воқеа
содир бўлармиди. Муқаддас
Нигоранинг ўлимига сабабчи
бўлмасмиди. Нигорани ерга
қўйиб келгандан кейин
синглиси Малика Нигоранинг
ўлимида Муқаддасни айбдор
деб билиб, Муқаддасни тилга
олиб бўлмас сўзлар билан
хақорат қилади. Муқаддас
ўзининг айбсизлигини,
Нигорани ўзи акаси билан
тортишганини қанча айтиб
тушунтирмасин файдоси
бўлмади. Малика шунда
Муқаддасга қараб: " Илохим
сени хам фарзандинг ўлсин,
мана шу қўлингдаги қизинг
опамни ёшига кирганда сени
юрак бағрингни доғлаб, сени
фарзанд доғида қўйиб кетсин
. Онамга ўхшаб қизингни
ўлигини қуч ",- деб қарғайди.
Муқаддас кўзларидан ёш
тўкиб: " Жон Малика
қарғишингизни қайтиб олинг.
Болажонимда нима айб,
қанча қарғишингиз бўлса
мана мени қарғанг, аммо
боламни қарғаманг. Болам
ўлса мен куйсам акангиз
мендан ўн чандон ортиғи
билан куяди. Қарғаманг
Мохирам сизни жиянингиз,
қонингиз. Мана мени қарғанг
илтимос ",- деб Маликага
ёлвориб зор - зор йиғлаб
қарғишини қайтариб
олишини сўрайди. Мени
айбим йўқ, Нигорани хафа
қиладиган, ўзини осишга
мажбур қиладиган гап хам
айтмадим, хеч нарса
қилмадим ...
Икки йилдай Малика
Муқаддас билан орани очиқ
қилиб гаплашмай юрди.
Қайнонаси хам Муқаддасни
айбларди Нигорани ўлимида.
Муқаддасни ўғли билан
ажратаман деганида
Муқаддас қайнонасининг
оёғига бош қўйиб қўйиб
кечирим сўраб ёлворди.
Ойижон мени кечиринг
гунохкор ожиз бандаман.
Қанчалик гунохкор
эканлигимни фақат Аллох
билади. Аллохим хам
гунохкор бандасини
кечиради. Жон ойижон
фарзандларим
невараларингиз хаққи мен
ожизани кечиринг. Айбимни
тан оламан. Нигора жанжал
бошлаганида мен эътибор
қилмай уйдан чиқиб
кетишим ёки хонамга кириб
ўтиришим керак эди.
Ишонинг ойижон Нигорани
ўзи бошлади. Мен фақат бу
жанжал нимага керак сизга.
Хар нарсага жанжал қилмай
нега тинчгина гаплаша
олмайсиз дедим. Айтган
гапим шу ойижон. Шу гапни
айтмай мен ўлай эдим,
бундай бўлишини
билганимда умуман хеч
нарса демасдим ",- дея ўксиб
- ўксиб йиғлади.
Орадан йиллар ўтди.
Муқаддасни учинчи
фарзанди ўғли дунёга келди.
Малика хам турмушга чиқди.
Оилали фарзандли бўлди.
Вақт оқар дарёдай
ўтар,ўртадаги дил
хираликлар унутилди .
Мохира мактабни аъло
бахоларга тугатиб, коллежда
ўқий бошлади. Иккинчи
курсга ўтганда озиб тўзиб
рангида ранг қолмади . Тез -
тез чарчаб қоляпман деб
коллежга бормай хам қўйди .
Мохирадан хавотир олган
Муқаддас билан Умиджон
Мохирани олиб бормаган
доктори, кўрсатмаган
шифокори қолмади .
Докторлар Мохирани
касалини аниқлаб тўғри
ташхис қўя олмай, хар
доктор ўз билганича
даволашарди. Бундай кўр -
кўрона даволанишлар
натижасида Мохиранинг
буйрагидан биопси учун
олинган бир бўлак гўшт
Мохирани ахволини
оғирлаштиради. Мохира
шунча дард чакиб жони
оғриса хам, Аллохнинг
берган бу дардидан
нолимади шукур қилди, сабр
қилди. У ақилли қиз,
онасини, отасини унинг учун
жон олиб, жон бераётганини
юрак - юрагидан хис қилиб,
уларни қийнаб қўймаслик
учун жони оғриса хам
чидади. Муқаддас билан
Умиджон эса ёлғизгина
қизининг кўз олдида сўлиб
бораётганини кўриб адои -
тамом бўлишарди. Мохирани
холидан хабар топган қўни -
қўшни, қариндош -
туққанлар Мохирани кўргани
келар, яратгандан Мохирани
дардига даво тилашарди.
Малика ҳам жияни Мохирани
кўргани келади. Жигар
эмасми, Мохирани сўлиб
қолган юзларига қараб
ичидан бир нима узилгандай
бўлди. Хаёллари унитилиб
кетган ўтмишга олиб кетди.
Опасини ўлимида
Муқаддасни айблаб
қарғагани, Муқаддасни
кўзларидан дув - дув ёш
тўкиб " қарғишингизни
қайтиб олинг " ,- деб худони
зорини қилганини эслаб тани
жимбирлаб кетди. Ўша куни
аламда айтган гапларига
,қарғаганига пушаймон
бўлиб