Tezkor parhez va qisqa muddatda ozishni dunyoning qaysi burchagida bo`lmasin mutaxassislar qoralaydi, deb xabar berdi “Sosm o.ru” nashri.
Ammo qisqa muddatda sog`liqqa ziyon etkazmagan holda ozishning ham yo`li bor ekan.
Bu dastur 5 kunga mo`ljallangan bo`lib, model Jessika Xart tomonidan yaratilgan. Bu dastur asosida qisqa muddatda 2-3 kg ozish mumkin. Marhamat, tanishing!
Faqat suyuq ovqatlar iste`mol qilish lozim
Suyuq ovqatlarni iste`mol qilish orqali inson organizmini turli foydali mikroelementlar bilan ta`minlaydi, shu bilan birga ovqat hazm qilish yaxshilanadi. Shu 5 kun mobaynida faqatgina ko`katlar – selderey, ismaloq, poliz mahsulotlaridan bodringni kuniga 4-5 marotaba tanovul qiling. Sabzavotli kokteyllar ichish mumkin emas. Nonushta va kechki ovqatga oqsilga boy ovqatlarni iste`mol qilish lozim.
Nonushta bilan kechki ovqatning o`rtasidagi farq 12 soat bo`lishi kerak
Model Jessika Xartning yana bir foydali maslahati — ovqatlanish tartibiga qat`iy rioya qilishdir. Nonushta bilan kechki ovqatning o`rtasidagi farq qat`iy 12 soatni tashkil etishi lozim. Ya`ni, ertalab soat 8.00 da ovqatlangan bo`lsangiz, kechki ovqatni ham 20.00 da tanovul qilishingiz lozim bo`ladi. Kechki ovqatning ilk 6-8 soati davomida inson organizmi ovqatni hazm qilish bilan banda bo`lsa, qolgan 4 soatini esa yog`ni eritish va detoksikasiyaga sarflaydi. Shuning uchun aynan 12 soat intervalni saqlash kerak bo`ladi.
To`yib uxlash lozim
Uyquga to`ymaslik nafaqat semizlikka olib keladi, balki u metabolizmni xam sekinlashtiradi. Shuning uchun parhez davomida to`yib uxlashga harakat qiling. To`yib uxlash inson organizmida sutkalik ritmni ta`minlovchi melatonin gormonini ishlab chiqaradi. Agar vaqtida uxlab, vaqtida tursangiz vazningizni me`yoriga keltirish osonlashadi.
Shaxsiy mashg`ulotlar rejasini tuzib oling
Agar ilgari sport bilan shug`ullanmagan bo`lsangiz, 5 kunda sport ustasi bo`lib qolmaysiz Moddalar almashinuvini yaxshilash, ko`proq kaloriya yo`qotish uchun o`zingiz uchun shaxsiy mashg`ulotlar rejasini tuzib olishingiz kerak bo`ladi. Ishdan keyin xiyobonda yugurishga yoki piyoda sayr qilishga harakat qiling. Agar buning yoniga yana biror qiyin bo`lmagan mashqlarni qo`shadigan bo`lsangiz, natija siz kutgandan ham a`lo bo`ladi.
Menyungizda doimo sabzavotlar bo`lsin
Ozishning yana bir muvaffaqiyatli usuli bu – sog`lom ovqatlanish tartibidir. Bu aksariyat ayollar uchun eng katta muammodir. Biz sizga qisqa fursatda ozish uchun birorta sehrli dorini tavsiya etmaymiz. Organizmni tabiiy ravishda tozalash uchun ko`proq sabzavot iste`mol qilish kerak bo`ladi. Har kuni sabzavotlardan tayyorlangan salatlarni tanovul qiling.
Xotirjamlik va yana xotirjamlik
Asabiylashish, nimadandir xavotirlanish ozish jarayonini sekinlashtirishi, moddalar almashinuvini buzishi mumkin. Albatta, insonga asabiylashmaslik oson ish emas. Agar judayam qiziqqon, stressga moyil bo`lsangiz vrach bilan maslahatlashgan holda birorta tabiiy o`simliklardan tayyorlangan tinchlantiruvchi dori qabul qiling.