“Bir kunda kamida bir marta me’da ichida sho‘rva bo‘lishi kerak” — sho‘rvaning foydasi haqidagi rivoyat taxminan shunday ma’noda ifodalanadi. Lekin nima uchun aynan sho‘rva shunchalik foydali taom hisoblanadi? Bu savolga gastroenterolog bloger Anna Yurkevich javob beradi. Bugungi kunda sho‘rva ichish unchalik shart emasligini balki deyarli hamma bilsa kerak. Suyuq ovqatlarni yaxshi ko‘rish nima uchun paydo bo‘lgan? Chunki bu me’dani to‘ldirishning eng oson va arzon usuli. Hozir biz to‘kin-sochinlik zamonida yashayapmiz, axir hamma vaqt ham shunday bo‘lmagan-ku. Bizning ota-onalarimiz ommaviy tanqislikni, shu jumladan oziq-ovqat do‘konlaridagi tanqislikni hali ham eslaydi. O‘sha paytlari suyuq ovqatlar, sho‘rvalar juda qo‘l kelgan. Keling o‘ylab ko‘ramiz: suyuq ovqatlar tarkibida boshqa ovqatlarda bo‘lmagan qanday foydali narsalar bor? Unda nima uchun birinchi qaynatma sho‘rvani to‘kib tashlash tavsiya qilinadi? Demak, ikkinchisi foydali bo‘lib qoladimi? Shubhasiz, go‘shtni qaynatishda hosil bo‘ladigan ko‘pik ishtaha uyg‘ota olmaydi. Ular qachonki tarkibidagi kerakli moddalar saqlanib qolishi uchun ularga issiqlik yordamida kamroq ishlov berilgandagina foydali bo‘ladi. Shubhasiz, kletchatka hech qayerga ketmaydi. Lekin biz xom sabzavotlardan ko‘proq foyda olamiz. Go‘sht. U foydali. Bu yerda e’tirozga o‘rin yo‘q. Lekin bir bo‘lak qaynatilgan go‘shtni yangi sabzavotlardan qilingan salat bilan ham maza qilib yeyish mumkin-ku! Biz suyuq ovqatlarga qarshi emasmiz. Agar siz ularni yaxshi ko‘rsangiz — marhamat. Lekin agar siz ularni majburan faqat “o‘z sog‘lig‘ingiz uchun” yeydigan bo‘lsangiz, unda o‘ylaymizki, o‘zingizni qiynashga arzimaydi.