
HTML Teglar

----------

"tag" so'zining lug'aviy man'nosi yorliq deganidir. HTML tag bu HTML kodlardir ular bizning web sahifamizni web browserlarda ochilishiga sabab bo'luvchi eng muhim elementlardir. HTML tag birinchi darsda ta'kidlab o'tganimdek kichik  < va katta  >  belgilar orasiga yoziladi. Unda hamisha boshlovchi va tugovchi taglar mavjud. Tugovchi tag boshlovchi tagga o'xshagan bo'ladi faqat oldida  /  oldinga og'gan tayoqcha belgisi bo'ladi, ya'ni <html>...</html>. 


Taglarning vazifasi: 
har qanday buyruq taglar orqali beriladi, boshlovchi va tugovchi taglar orasidagi ma'lumot tagning turiga qarab funksiya bajaradi.
har bir tagning o'z vazifasi va ishlatilish qoidalari bordir. 
taglarning bir o'zi yordamchi attributlarsiz uncha ko'p ishni bajara olishmaydi.
taglar ikki hil bo'ladi: ikkitalik va bittalik taglar
bir nechta taglar bir birining orasida kelishi mumkindir. 
Muhim qolida: birinchi kiritilgan tag, taglar orasida so'nggi bo'lib yopiladi. Masalan:

<html>
<head><title>Bu Yerda Web Sahifa Nomi Bo'ladi</title></head>
</html>


Qoidaga binoan <html> tagi o'zidan keyingi taglardan birinchi bo'lib kiritildi, va so'ngisi bo'lib yopildi, <head> tagi esa <title> tagidan oldin ochildi va </title> dan keyin yopiladi. Chunki ochish-yopish taglari "faqat uning orasidagi jumlanigina ol" deb buyruq bergandek gap. Yanayam tushunarliroq bo'lishi uchun matematika darsidagi qavslarni eslang, ularga o'xshab ketadi.

Ba'zi taglar haqida qisqacha ma'lumotlar:
<html>   Documentning hamisha boshida ochiladi va eng ohiri bo'lib yopiladi, sababi uning orasidagi hamma buyruqlar HTML kodlaridir degan ma'noni beradi. Shunga qarab kompyuter bu buyruqlarni hammasini HTML kodi sifatida o'qiydi.
<head> - tarjimasidan ma'lum (head-bosh) kodimizning boshi, <head>ning orasida juda ko'p muhim taglar keladi. Masalan: yordanmchi CSS (Cascade Style Sheet), JavaScript va shunga o'xshash tashqaridan yuklanadigan dasturlar, HTML dokumentimizga ochuvchi <head> va yopuvchi </head> orasida biriktiriladi (bu haqida to'liqroq keyin), <meta> va <title> taglari ham <head> orasiga kiradi, umuman <head>...</head> orasida keladigan taglar juda ham ko'pdir. 
<meta> - Uning vazifasi attributinga qarab o'zgaradi, bitta muhim vazifalaridan biri sizning web sahifangizni boshqalar Internet orqali topish imkonini beradi. Bu tag ichiga kerakli attribute (attributelar haqida keyinroq) lar qiymatlari sifatida muayyan so'zlarni yozish bilan sizni web sahifangiz boshqalar tamonidan Google yoki Yandex ga o'xshash web sahifalar orqali topiladi. Uning uchun siz sizning web sahifangiz qanday so'zlar bilan qidirilganda chiqishini hohlashingizni ko'rsatishingiz muhim. Agar sizning web sahifangiz mahfiy bo'lsa yoki hozircha tugallanmagan bo'lsa yoki shunchaki boshqalar Google orqali topib ko'rishini hohlamasez uni ham <meta> orqali amalga ochirish imkoni bor. 
<title> - Web sahifa nomi bu sahifa nomi   2 - Dars  yuqorida yozilgan, uning uchun <title>2 - Dars</tilte> desangiz bas, tarjimasi (title-mavzu).
<body> - kodlarimizning aksariyati shu qisimda keladi, body-asosiy qism deganidir. Demak asosan <body> bilan </body> orasida ishlanadi. Bu <body>...</body> taglarining orasidagi barcha narsalar web sahifada paydo bo'ladi, <head>....</head> taglarining orasidagi har qanday narsa web sahifada chiqmaydi, ularning vazifasi boshqa.

<html>
<head>
<title>2 - Dars </title>
</head>

<body>
<p>Kodlarimizning asosiy qismi.</p>
</body>
</html>

Yuqorida ko'rib turganingizdek HTML kodlari (taglar) HTML dokumentning ikki qismda yoziladi, <head>...</head> va <body>...</body> taglari oralig'ida, <head>...</head> orasida keladigan kodlar (<title> kabi ) <body>...</body> orasida kelmasligi kerak bo'ladi, <body>...</body> orasida keladigan kodlar (<p> kabi ) <head>...</head> orasida kelmasligi kerak bo'ladi. Chunki <head> orasida keladigan kodlar Web sahifamiz matni vazifasini o'tamaydi ularning vazifasi turlicha bo'lishi mumkin, masalan bitta website bir nechta sahifalardan iborat bo'lishi mumkin ya'ni "bosh sahifa", "yangiliklar", "bog'lanish" va hokazo <head>...</head> orasida keluvchi mahsus kod bu sahifalarni bir biri bilan bog'laydi (kelgusi darslarda ko'rib chiqamiz), biroq <body>....</body> orasida yoziladigan barcha buyruqlar web sahifada chop etilishi uchundir. 

Yoqoridagi kodni NotePadga yozib biron browser da ko'rishdan oldin Hard D DISC da biron papka oching, papkani  HTML darsliklari  deb nomlang (chunki bu papka ichiga hali ko'p narsa saqlimiz) keyin shu papka ichiga  birinchi_dars.html qilib saqlab qo'yin 1-Dasimizda o'rgatilganidek, undan so'ng quyidagi asosiy browserlarning birontasi yordamida oching. Ochish uchun internetga ulangan bo'lishingiz shart emas. Agrar o'qib turgan web sahifani o'zizga yuklab olgan bo'lsez Internetsiz ham ishlashingiz mumkin hohlagan payitizda ochib. Agar har qanday web sahifani biror papka ichiga yukalab olishni bilmasangiz manga email orqali bildiring. 

Bittalik taglar

Ba'zi taglar bitta holda keladi, masalan <br /> - "break" deganidir ular "<" bilan ochiladi va so'ngida bitta joy () tashlanib "/>" bilan yopiladi. Ochiluvchi <>va yopiluvchi</> taglarning vazifalaridan biri orasida biron ma'lumot olib kelishdir, bittalik taglarda esa orasida hech qanday ma'lumot kelishiga hojat yo'q shuning uchun ular bittalik hisoblanadi. Quyida shunga o'xshash ba'zi misollarni beraman lekin bu taglarning vazifalariga keyinroq to'htalamiz. 

<br />, <hr />, <basefont />, <input /> va hokazo.

Downloaded from http://test1.ru