UCH KUN

Uch kundirki, xayollarimning
Rishtalari har yon parishon.
Sekinlaydi vaqt ham tobora,
Bir oy menga bermaydi omon.
Uch kundirki, kelishing mumkin
Bolgan yollar aldovidaman.
Muhabbat va nafrat atalmish
Lashkarlarning qurshovidaman.
Uch kundirki, labimni tishlab
Qonataman, bu qanday kutish?
Yoki bundan ortiq sevaymi
Yo kerakmi asta unutish.
Uch kundirki, intizor, ilhaq
Yolga qarab vaqt otkazaman.
Yana sabr, sabr haqida
Irodali sherlar yozaman.
Uch kundirki, ortar iztirob
Va ilinjim ortib boradir.
Umidlarim tuyular sarob
Kozlarimda bitta xavotir.
