[IMG]
Som.png

So'm- 1) eng qadimgi atamalardan biri bo?lib, Firdavsiyning "Shohnoma" asarida "S" pul solingan qopcha (xalta) ma?nosida qo?llanilgan. 14-asrda Oltin O'rda xonligida og'irlik birligi bo'lib, muayyan og'irlikdagi kumush quyma (yombi)ni ifodalagan. 1920 yillarda, O'zSSR tashkil etilganidan keyin sovet rubli banknotlari va xazina biletlari nominalida ittifoqdosh respublikalarning milliy tillaridagi pul birliklari nomlari, jumladan "so'm" nomi yozilgan holda chiqarilgan rubl O'zbekiston hududida muomalada " So'm-kupon" deb atalgan. 2) O'zbekiston Respublikasining pul birligi. 1 So'm 100 tiyin. Xalqaro ifodasi UZS. O'zbekiston Respublikasi Prezidentining "O'zbekiston Respublikasining milliy valyutasini muomalaga kiritish to'g'risida"gi 1994 yil 16 iyundagi farmoni bilan 1994 yilning 1 iyulidan respublika hududida yagona, cheklanmagan va qonuniy to'lov vositasi sifatida muomalaga chiqarilgan.
Muomalaga 1994-yilda 1, 3, 5, 10, 25, 50, 100 so'mlik, 1997-yil 1-martdan 200 so'mlik, 2000-yil 1-iyuldan 500 so'mlik, 2001-yil 1-sentabrdan 1000 so'mlik banknotlar chiqarilgan. Keyinchalik, 1, 5, 10, 25, 50, 100, 500 so'm qiymatidagi tangalar muomalaga kiritilgan. Qimmatbaho metallar suvi yuritilgan turli qiymatdagi yubiley tangalar esa turli sanalar nishonlanishi munosabati bilan va numizmatik maqsadda chiqarilgan (q. Tanga). So'mning muomalaga kiritilishi O'zbekiston pul muomalasi va hisobkitoblar tizimini tashkil etish hamda respublika iqtisodiyotini rivojlantirishda muhim ahamiyatga ega bo'ldi. Milliy valyuta pul belgilarini muomalaga chiqarish va uning barqarorligini ta'minlashni O'zbekiston Respublikasining markaziy banki amalga oshiradi. 1 so'm = 100 tiyin. O'zbekiston Respublikasi Konstitutsiyasining 122-moddasi va "O'zbekiston Respublikasi Davlat mustaqilligining asoslari to'g'risida"gi qonunning 11-moddasi, shuningdek, O'zbekiston Respublikasi Oliy Majlisning 1993-yil 3-sentabrdagi 952-XII sonli qaroriga muvofiq 1994-yil 1-iyuldan boshlab, O'zbekiston Respublikasi hududida qonuniy to'lov vositasi bo'lgan milliy valyuta - "so'm" muomalaga kiritildi. Hozirgi vaqtda 1, 3, 5, 10, 25, 50, 100, 200, 500, 1000 so'm qiymatidagi banknotlar va 1, 3, 5, 10, 20, 50 tiyin (1 tiyin = 1/100 so'm), hamda 1, 5, 10, 25, 50, 100 so'm qiymatidagi tangalar muomaladadir. 2013-yil iyunida 5000 so'm qiymatlik yangi banknota chiqishi haqida xabarlar tarqaldi. 
[IMG]
Sum.png
2013-yil 27-iyunida O'zbekiston respublikasi markaziy banki shu yilning 1-iyulidan boshlab qiymati 5000 so'm bo'lgan pul chiptalarini muomalaga chiqarishini bildirdi. Banknot va tangalar chiqqan yillar

Yil Banknot Tanga
1994 1, 3, 5, 10, 25, 50, 100 So'm 1, 3, 5, 10, 20, 50 Tiyin
1997 200 So'm
1999 500 So'm
2001 1000 So'm 5, 10, 25 So'm
2002 50 So'm
Banknotlar
1994-yildan boshlab
Old tarafida bezaklar bilan pul qiymati, ort tomonida O'zbekistonning turli obidalari tasvirlangan. 